ჩვენ ხომ ვიცით იმიტომ არ გვანიჭებენ სტატუსს, რომ სანქციებში და ომში არ ჩავერთეთ – კახა კალაძე

558
წაკითხვა/ნახვა
IMG.GE

თბილისის მერის აზრით, საქართველოს უნდა მიეღო ევროკავშირის წევრობის კანდიდატის სტატუსი, თუმცა დაისაჯა, რადგან  მისივე თქმით “უთხრეს, რომ ეს იყო პოლიტიკური გადაწყვეტილება, როდესაც უკრაინას და მოლდოვას თანხმობა მიეცა, ხოლო საქართველოს არა.

ამ საკითხზე კახა კალაძემ დღეს, ჟურნალისტებთან ისაუბრა.

„საქართველოს უნდა მიეღო კანდიდატობის სტატუსი. მე გისვამთ კითხვას თქვენ,
ამ ქვეყნის მოქალაქეებს – საქართველო იმსახურებდა კანდიდატობის სტატუსს? ის
რეფორმები, რაც ბოლო წლების განმავლობაში გავატარეთ, იყო წარმატებული.
ვიზალიბერალიზაცია, ასოცირების ხელშეკრულება, თავისუფალი ვაჭრობის
ხელშეკრულება – ეს ყველაფერი გააკეთა მმართველმა გუნდმა, პარტიამ „ქართული
ოცნება-დემოკრატიული საქართველო “, საზოგადოებასთან ერთად. ჩვენ
მომავალშიც გავაკეთებთ ყველაფერს, რომ კანდიდატობის სტატუსი მივიღოთ.
ჩვენი ქვეყანა, რა თქმა უნდა, იმსახურებდა კანდიდატობის სტატუსს, მაგრამ
დაისაჯა.

სამ ქვეყანას შორის წარმატებული იყო ყველა ასპექტში, ყველა რეფორმით, თუმცა გვითხრეს, რომ ეს არის პოლიტიკური გადაწყვეტილება, რომ უკრაინას ვაძლევთ სტატუსს, რადგან ის ახლა ომშია ჩართული. ჩვენ ხომ ვიცით იმიტომ არ გვანიჭებენ სტატუსს, რომ სანქციებში და ომში არ ჩავერთეთ. თან გვეუბნებიან, რომ გეოპოლიტიკური მდგომარეობა არ გვიწყობს ხელს. 30 წელია ვიბრძვით იმისთვის, რომ ევროკავშირის სრულუფლებიანი წევრები გავხდეთ და ახლა გაიგეს როგორი გეოპოლიტიკური მდგომარეობაა საქართველოში?“, – განაცხადა თბილისის მერმა.

გააკეთეთ კომენტარი
შემოთავაზება - შეიძინე ხელით შექმნილი ქართული ჩანთა, დარეკე: 555 39 94 95 IMG.GE