უკრაინასა და მოლდოვას სტატუსი მიენიჭოს დაუყოვნებლივ, აუცილებელი რეფორმების დასრულების შემდეგ საქართველოც უნდა გახდეს კანდიდატი – ევროპარლამენტის რეზოლუცია

661
წაკითხვა/ნახვა
IMG.GE

აუცილებელი რეფორმების დასრულების შემდეგ საქართველოც უნდა გახდეს კანდიდატი”- ნათქვამია ევროპარლამენტის მიერ მიღებული რეზოლუციის ტექსტში, რომელიც ოფიციალურ გვერდზე უკვე გამოქვეყნდა.

529 ხმით 45-ის წინააღმდეგ და 14 თავი შეიკავა, პარლამენტმა ხუთშაბათს მიიღო რეზოლუცია, რომელიც მოუწოდებს სახელმწიფოებისა და მთავრობების მეთაურებს, რომლებიც სამიტს დღეს და ხვალ მართავენ, „დაყოვნების გარეშე“ მიანიჭონ ევროკავშირის კანდიდატის სტატუსი უკრაინასა და მოლდოვას რესპუბლიკას. მათ იგივე უნდა გააკეთონ საქართველოსთან მიმართებაში „მას შემდეგ, რაც მისი მთავრობა დაასრულებს“ ევროკომისიის მიერ მითითებულ პრიორიტეტებს .

უკრაინის წინააღმდეგ რუსული აგრესიის სასტიკი ომის კონტექსტში, ეს ნაბიჯი უტოლდება ლიდერობის, გადაწყვეტილების და ხედვის გამოვლენას, ამბობენ ევროპარლამენტარები. ისინი ამტკიცებენ, რომ არ არსებობს „სწრაფი გზა“ ევროკავშირის წევრობისთვის და რომ გაწევრიანება რჩება დამსახურებაზე დაფუძნებული და სტრუქტურირებული პროცესი, რომელიც მოითხოვს ევროკავშირის წევრობის კრიტერიუმების შესრულებას და დამოკიდებულია რეფორმების ეფექტურ განხორციელებაზე.

საბოლოო გადაწყვეტილება უკვე 24 ივნისს გამოცხადდება და მასში განსაკუთრებული ცვლილებები აღარ განხორციელდება.

გააკეთეთ კომენტარი
IMG.GE