ასი ათასი მოწამის ხსენების დღესთან დაკავშირებით დროებით იზღუდება მოძრაობა და იცვლება ტრანსპორტის მოძრაობის სქემა

149
წაკითხვა/ნახვა
IMG.GE

ასი ათასი მოწამის ხსენების დღესთან დაკავშირებით მეტეხის ხიდზე მოძრაობა
დროებით შეიზღუდება. ინფორმაციას თბილისის მერია ავრცელებს:

“ასი ათასი მოწამის ხსენების დღისადმი მიძღვნილ ღონისძიებასთან დაკავშირებით,
12 ნოემბრის 18:00 საათიდან 13 ნოემბრის 21:00 საათამდე, მეტეხის ხიდზე
სატრანსპორტო საშუალებებით გადაადგილება შეიზღუდება.

გორგასლის ქუჩიდან ავტომობილები გადაადგილებას შეძლებენ, როგორც ზვიად
გამსახურდიას სანაპიროს მიმართულებით, ასევე, კოტე აფხაზის ქუჩის
მიმართულებით. ხოლო, თუმანიანის ქუჩიდან გადაადგილება შესაძლებელი
იქნება ვახტანგ გორგასლის ქუჩის მიმართულებით.

გადაადგილება შესაძლებელი იქნება: ევროპის მოედნიდან, ღვინის აღმართისა და
მეტეხის აღმართის მიმართულებით. ასევე, მეტეხის აღმართიდან ევროპის მოედნის
გავლით, ღვინის აღმართის, ან მარცხენა სანაპიროს მიმართულებით.

ამასთან, გადაადგილების შეზღუდვასთან ერთად, საზოგადოებრივი ტრანსპორტის
მარშრუტიც დროებით შეიცვლება.

ავტობუსები: N301, N331, N344, N345, N350, N371, N305, N325, N309, N333, N337,
N393 და მიკროავტობუსი N580 ნაცვლად მეტეხის ხიდისა და ევროპის მოედნისა,
გორგასალის ქუჩიდან მოძრაობას გააგრძელებენ კოტე აფხაზის ქუჩით და
დაუკავშირდებიან თავისუფლების მოედანს, რის შემდეგაც მოძრაობას
გააგრძელებენ დადგენილი სქემით.”- ნათქვამია მერიის ინფორმაციაში,

IMG.GE
გაზიარება